Posts

An Lorelei (Heinrich Heine)

Image
An Lorelei gans Heinrich Heine
(treylyes a-dhyworth an Almaynek derowel)

Ny wonn vy pandr'a dal bos styryes
ow bos mar druedhek;
Drolla koth a dhydhyow passyes,
Dh'ort ow brys ny wra diank.
An ayr yw yeyn, hag ow noshe,
Ha kosel yw an Rhein;
Y hwra penn an menedh splanna
y'n androw ev a shin.

Y sedh an tekka gwerhes
a-ugh hons yn farthek,
Y hwolow yn owr hy jowelys,
hi a grib hy gols owrek.
Hi a dhevnydh krib owr rag kribas
hag yn-wedh kana ballad;
Yma dhodho melodi husus,
ha peryllus, ha sad.

An golyer yn an skath byghan
yw fethys gans gew garow;
Ny wel ev an krib po an men,
Ny vir saw yn-bann dhe'n nevow.
Y tybav an tonnow dhe sedhi
an golyer hag an lester;
Ha hemm oll gans hy hana
a wrug Lorelei pur.




Gwelewgh yn-wedh:

Testen AlmaynekTesten SowsnekLorelei war Wikipedya


An Wragh Wynn

Pan wrug hunya an jydh, ha tawel o'n gwydh pan o kosel golow an howlsplann
Y hwrug sevel an loor avel lesyow a'n nor ha ny veu klowys sonow tus mann
An Wragh Wynn wrug dalleth yn-bann an vre yth eth gans hy lorgh ha's krystal yn hy dorn
Passyas gluth yr an nos war hy lergh olow tros ow junya an goswik gans an sorn
Le mayth esa lagasow 'viras a'n tewolgow a'n bobel na vynnas hy aswon
Ny wodhyens vyth oll pandr'esa ow kul gans hy gweder ha hy gwelen
Tewlys veu men byghan onan wosa onan ow helghya 'ga diskians dhe-ves
Hy anal oorhas tomm hy hrystal avel plomm a godhas yn tison y'n wlas
I a wrug pesya bys nag esa meyn ena Mes hy ladha na yllsons i vyth
Hi a welas an pegh ha'y garyas 'vel begh y'n dor y hwrug hi gwruthyl nyth
Kogh hy lagas welas ha kerrek a's skwattyas I re waynsa an kasow mar es
Y tehwelas an taw tavas dison an maw Y'n gwel na an dagrow erviras
Pana syght rag an ster pana nos heb par Ha ny omglowas an dus an meth
Y …

Mis Meurth 2019

Yth esedhydh ena, hag an bys ow tarvos.
An ollvys a nosha y'th kever.
Politegoryon a'th kammled.
Dew amal fals y'n sawder aga thour.
Re ughel rag an flammow. Yn attes tomm.
Ty war an leur ow skryjya.
Kyn fo'n grondys ow krackya,
Ny welons an gwiryonedh
Hag y'n kudhons gans gowyow pella
A arghans, a estrenyon, a own.
Kas na yll hembronk an dall po an gwann
Mes y holons awos y vos gwell.
Diwysyansoryon a ystyn rag budh
Dh'ort tus heb travyth dh'y ri.
Y nivellons an les hag oberi
Rag may pydh brassa an rychys na rennir.
Y yeunydh rag blas a'ga bones
mes godhvos y hwerowder kyns ygeri dha vin.
An tir yw pennfenten a ro yn tidorr
A wannha, ny yll ombla namoy.
An tan a ledanha, aswonys seulabrys
Nyns eus fordh a gamma a'y hyns.
Yth esos ow mires, hag y hwodhes
Dha vos re vyghan rag gweres mann.
Den unnik vyth a wor selwel
Hag an dus owth erbysi
Hag an bys ow magorhe.

Rosya

Image
Pyth yw tewalla, an nos po an brys?
An dhew mar vras 'vel y gila.
Onan a'gan jun dhe'n ollvys a-ugh
Hag an aral a bys dh'agan downderow
Anwelys, anglowys, 'mes a avel.
Tybyansow ster, tollow du an enev
liwyow planetys a-berth ynnyn.
Tus hag efanvos omgellys war-barth
Ow rosya'n tiveder dre dermyn.
Denvyth a gonvedh an vreder ma
Mes wosa howlsedhes onan yns.




Myttinrew

My a wodrigas nyhewer war an fordh dhe dyller vyth. Y slynkis der an nos ha'n erghennow. My a'th welas y'th weli tomm ha skwith, yn-dann an golghes, klys ha hunrosus. Anweladow hag ow movya ow kuntell ow gwara ow kasa ow ro hag y'n skeusow ow kortos. Mes orth diberth y'm gwelsys yn an gweder-mires po martesen dresdho. Du, ha gwynn, ha rudh, byth ny wodhor. Klegh bian a sen yn jentyl Gik a skorr, a brenn, a leur taw diskler, y tege dewlagas. Ty a wort ow kwaytyas Mes avel tewolgow an nos ancertan os. Hag yth assaydh hunya y'n koselder anes hag unikter dha jabour, an studh na janj. Hag an howl a vynn sevel hag an bora ow koghhe'n du Y fiav, mes ty a wor y kodrigis. Ha lemmyn nyns esov saw ol troos y'n myttinrew.



Der Freund

Egal wie warm der helle Tag, oder wie kalt die Nacht, egal wie viel ich Den nicht mag, nehm ich Den ernst in Acht.

Er bleibt dabei im Schattenhaus, tief in der Dunkelheit, und Winternachts kommt er daraus, und sucht die Einsamkeit.

Ich warte noch auf den Untergang der Sonne, die schnell stirbt. Im Herzen fühl ich mich bang, und weiß was langsam kommt.

Die Finger seh ich an der Tür, die Eis hinter sich lassen. Nach meiner Hand suchen sie nur, die Haut wollen sie fassen.

Ich kann nicht weg, die Nacht wird alt, die Sonne geht nicht auf. Und wie im Grab wird mir kalt, die Spuken tauchen auf.

Sie kommen auch gern davon, vom Meister ihres Reiches. Aber ich nicht, den kenn ich schon, die Schönheit seines Leiches.

Er grinst mich an, der tote Freund, der ward im Hain geboren. Er nimmt mich mit in seiner Hand, meine Seele wird verdorben.

Weiterreisen kann ich nicht, und auch nicht stehenbleiben. Aber als  Morgenröte bricht, werde ich ins Gras beißen.

Hedra

Goolan a neyj dres pons forsakyes war awel skav kynyavel Pell yn-rag yma'n howlsedhes hav hunrossek howldrevel.
Delyow kosel yn-dann skorrow nooth ow rewi gans gwel an nos Golow an jydh a yn tooth hag an tomder a wra mos.
Kri an edhen a glywir a-bell hag ow kasa fros an gwyns Dasson a hanasow tiredhel a borth kov a'n termyn kyns.
Tynkyal a dhowr yeyn war benn kerrek a gormha ow tri an gwav Skeusow tewlys tarosvannek namoy es an niwl a sav.
An hwyth a led a-dro tir an kowr a worwedh yn pri y vedh Arghans an yey a splann yn owr y'n eghwa an du a vydh.